16-anyos nga dalagita, nagreklamo nga ginhimuslan sang duha ka menor-de-edad nga lalaki sa San Dionisio
Read Time:1 Minute, 18 Second
By: JoMaque | August 26, 2019, 9:03am
Iloilo — Nagreklamo sa San Dionisio Police si alyas Inday, 16-anyos, nga gin-rape siya sang duha ka menor-de-edad nga lalaki sang Agosto 14.
Suno kay Police Lieutenant Edgar Labisace, acting chief of police sang San Dionisio Police Station, nagpa-blotter si Inday sang Agosto 21 kag nagreklamo nga gin-rape.
Base sa alegasyon ni Inday, ginhagad siya ni alyas Toto, 17-anyos, nga manyaga sa ila balay upod ang abyan nga si alyas Nonoy, 17-anyos.
Pagkatapos sang panyaga, nagbakal suno sa iya si Toto sang ilimnon kag nag-inum-inom sila nga tatlo.
Ginpahayag ni Inday nga naghigda siya sa kuwarto ni Toto sang nakabatyag sang paglingin sang ulo.
Makaligad ang pila ka oras, nabatyagan ni Inday nga nagsulod sa kuwarto si Toto kag gin-uba ang iya bayo.
Suno pa kay Inday, nagsulod man sa kwarto si Nonoy kag gin-ubahan siya sang underwear.
Suno pa kay Police Lieutenant Labisace, nagpauli man si Inday matapos nga naumpawan.
Indi naman makumpirmar ni Labisace kon may natabu gid sa tatlo bangud ginahulat pa nila ang resulta sang medical examination sang dalagita.
Ginpahayag ni Labiscase nga nagpa-blotter si Inday pila ka adlaw matapos ang insidente bangud nabalahuba na sa ila lugar ang natabu.
Wala naman gin-kustodiya sang San Dionisio police ang duha ka menor-de-edad nga lalaki bangud indi pa mapamatud-an kon matuod ang alegasyon sang dalagita suno kay Labiscase.
Sa impormasyon nga nabaton sang San Dionisio police, indi na makita sa barangay si Nonoy.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Traffic Discipline Zone, liwat nga ilunsar sang PSTMO sa Iloilo City
ILOILO CITY – Liwat nga igalunsar sang Public Safety and Transportation Management Office (PSTMO) ang Traffic Discipline Zone (TDZ) sa...
Pag-postpone sang barangay election subong nga tuig, ginakonsiderar sang Kamara
Ginakonsiderar sang House of Representatives ang pag-postpone sang Barangay Election subong nga December 2022, suno kay House Majority Leader kag...
23-anyos nga engineer nga ginapatihan nakuryente sang charger sa iya hiligdaan, nasapwan patay sa Zarraga
ILOILO -- Patay na sang nasapwan ang 23-anyos nga engineer, las-7:13 kahapon sang aga, Mayo 18 sa Zarraga. Ginkilala ang...
Ilonggo athlete nga taga-Arevalo, nagdaug sang gold medal sa 31st SEA Games
Nagdaug sang gold medal sa 31st SEAGAMES sa Hanoi, Vietnam ang 26-anyos nga Ilonggo athlete nga taga-Arevalo. Si Arnel Mandal...
7-11 convenience store sa MV Hechanova, Jaro, ginhold-up sang nagpakunu-kuno nga mabakal sang itlog
ILOILO CITY – Gin-hold up sang lalaki nga nagpukunu-kuno nga mabakal sang itlog ang 7-Eleven sa MV Hechanova, Jaro mga...
LTO, mag-distribute ang breath analyzer sa mga pulis sa Iloilo City
Managtag ang Land Transportation 6 sang mga breath analyzer sa mga police sa Iloilo City nga deputized sang ahensiya para...
Average Rating