May 24, 2022

16 anyos nga solterito, nagbitay sang kaugalingon, patay

Read Time:46 Second

By: Aine Grace Bravo | August 26, 2019

via BBB

Barotac Nuevo, Iloilo — Patay na sang nasapwan sang iya himata ang 16-anyos nga sulterito sa Barangay Lagubang, Barotac Nuevo alas-siete kaina sang aga.

Suno kay PEMS Glenn Fortunes sang Barotac Nuevo Police Station, problema sa paghigugma ang rason sang paghikog sang Grade 10 nga estudyante.

Nakapanugid pa ang solterito sa iya amay nga ginbayaan siya sang iya nobya.

Ginpahayag naman ni Lagubang Punong Barangay Roger Villanueva nga nag-inum-inom pa ang sulterito upod sa iya tiyo kagab-i.

Nakapanugid suno sa kapitan ang pamilya nga kagab-i, nagdugsing kag ginhaluk-halukan pa sang sulterito ang iya iloy.

Gintawgan man gilayon suno kay Kapitan Villanueva ang nobya sang sulterito nga nagpahayag naman nga wala man sila sang gin-awayan sang nobyo. Pero gin-ako sang kapitan nga nakapanugid sa pamilya sang nakaligad nga mga inadlaw ang sulterito nga may problema siya sa nobya.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post (UPDATE) Tanod Commander nga naglabu sa barangay kagawad kag iya amay sa Badiangan, naka-guwa sa presuhan
Next post (UPDATE) 50 anyos nga amay sa Dingle, nag-ako nga ginbuno patay ang iya 11 anyos nga bata nga lalaki