May 23, 2022

(UPDATE) 50 anyos nga amay sa Dingle, nag-ako nga ginbuno patay ang iya 11 anyos nga bata nga lalaki

Read Time:1 Minute, 15 Second

By: Aine Grace Bravo | August 26, 2019

via BBB

Dingle, Iloilo — Gin-ako sang 50 anyos nga amay nga siya ang nakabuno patay sa iya 11 anyos nga bata nga lalaki sa Barangay Nazuni, Dingle kahapon, Agosto 25.

Suno kay alyas Athan, duha ka semana na siya nga wala gana magkaun kag indi makatulog.

Na-admit sa Iloilo Provincial Hospital sa Pototan ang amay matapos man niya ginbuno ang iya kaugalingon.

Ginpahayag ni Athan nga ginapahog siya sang pamilya sang iya asawa nga patyon siya gani gintipon niya ang tatlo sa iya 10 ka kabataan, pero gin-atake siya sang nerbiyos gani ginhandos ang mga ini.

Nakapalagyo suno sa iya ang duha niya ka bata sang iya gintuyo pangbun-on kag si Jan-jan lang ang iya nalab-ut. Napatay si Jan-jan bangud sang pilas sa dughan.

‘MAPASAKA KASO’

 Mapasaka sang kaso si alyas Marie batuk sa iya bana.

Suno kay alyas Marie, las-dos sang hapon sang naghalin siya sa ila balay kahapon agud mangita sang bulong sa iya bana nga si alyas Athan.

Isa ka semana nga gintrangkaso suno sa iya ang bana kag sang Agosto 24, ginpalantaw pa nila ini sa albularyo.

Maayo pa man suno sa asawa ang sabat sang iya bana sang naglisensiya siya nga malakat. Gin-ako sang asawa nga antes ang krimen, naghambal na ang bana nga may nagapahog sa iya nga patyon siya.

Ginlaragway sang asawa ang bana nga maayo nga amay sa ila kabataan sang wala pa siya sang nerbiyos.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post 16 anyos nga solterito, nagbitay sang kaugalingon, patay
Next post Duha ka flights pa-Iloilo Airport, gin-divert sa Cebu kaina sang aga bangud sa madamol nga fog sa runway