6 ka balay, nasunog sa Veterans Village, City Proper

By: JoMaque | August 26, 2019, 9:10am

Iloilo City—Anum ka balay ang nasunog sa Veterans Village, City Proper kahapon sang hapon, Agosto 25.

Base sa record sang Bureau of Fire Protection, totally-burned ang mga balay nanday Linda Jalandoon, John Jalandoon, Dioscoro Pabalate, Lucena Albarico kag Michael Madero.

Partially-gutted naman ang balay ni Marites Bulquerin.

Suno kay Veterans Village Punong Barangay John Eric David, naghalin ang kalayo sa balay ni Dioscoro Pabalate.

Madasig nga naglapta ang kalayo bangud human sa light materials ang mga balay nga nasunog.

Gina-imbestigaran pa sang BFP ang ginhalinan kag ginbilin nga kahalitan sang sunog.