May 23, 2022

(UPDATE) Tanod Commander nga naglabu sa barangay kagawad kag iya amay sa Badiangan, naka-guwa sa presuhan

Read Time:41 Second

By: JoMaque | August 26, 2019 1:55pm

Badiangan, Iloilo— Nakaguwa sa presuhan kahapon, Agosto 25 ang tanod commander nga naglabu sa barangay kagawad kag iya amay sa Barangay Indorohan sang weekend.

Ini ang ginkumpirmar sang biktima nga si Kagawad Raffy Alada matapos sila nag-settle kahapon sa Badiangan Police Station.

Suno kay Kagawad Alada, wala na sila sang plano pa nga magpasaka sang kaso batuk sa suspetsado nga si Mark Anthony Francisco bangud pakaduha man lang sang iya amay.

Nahangpan niya man nga hubog ang tanod commander sang natabo ang insidente.

Napilasan malapit sa wala nga mata ang amay ni Kagawad Alada nga si Efifanio matapos ginlabu sang tanod commander.

Wala naman napilasan ang kagawad bangud mahabul suno sa iya ang binangon nga gingamit.

Nagpangayo sang pasensya ang suspetsado sa mga biktima matapos naghinulsol sa iya ginhimo.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Lalaki nga nagtambag sa inaway sang mag-utod, natiruhan sa Lambunao
Next post 16 anyos nga solterito, nagbitay sang kaugalingon, patay