17-anyos nga dalagita, nagreklamo nga ginhurikap sang lalaki ang iya dughan

By: JoMaque | August 27, 2019, 9:45am

Jaro, Iloilo City – Nagreklamo sa Jaro Police Station ang 17-anyos nga babaye matapos ginhurikap sang lalaki ang iya dughan sa Ungka, Jaro kagab-i.

Suno kay Alyas Marie, nagalakat siya pauli sa iya boarding house sang ginsugata ni Alyas Pet kag ginhurikap ang iya dughan.

Wala niya una natalupangdan ang lalaki bangud masako siya sa paggamit sang cellphone.

Nakuhaan sang CCTV ang natabu rason nga nakilala si Pet kag ginkadtuan sa gina-arkilahan nga balay.

Si Pet ang taga-probinsiya kag may ara sang asawa.

Ginpahayag naman ni Pet nga naumol-umol siya rason nga ginhurikap ang dughan sang dalagita.

Nagpangayu naman siya sang pasaylo sa tagreklamo.