May 23, 2022

Pagduging sang bookies, ginapanan-aw sa pagbalik operate sang STL – PRO 6

Read Time:1 Minute, 6 Second

By: Aine Grace Bravo | August 27, 2019

via Aksyon Aljohn Torreta

Iloilo City — Ginapanan-aw sang Police Regional Office 6 nga magaduging ang ‘bookies’ sa pagbalik sang operation sang Small Town Lottery kasunod sang mandu ni Presidente Rodrigo Duterte.

Una na ginpahayag ni PRO 6 Director Rene Pamuspusan nga ang draw sang STL ang ginabasehan sang operation sang bookies.

Suno kay PRO 6 Spokesperson Joem Malong, mas dako ang makita sang mga operators kag nagapataya sa bookies bangud kontrolado nila ang operation.

Na-identify na sang pulis ang mga operator kag ila financiers apang nabudlayan sa pag-operate bangud wala sila sang direkta nga partisipasyon sa illegal nga aktibidad.

‘MAS MABASKOG NGA KAMPANYA’

Ginmanduan na ni Pamuspusan ang mga provincial directors kag city directors nga mas pabaskugon ang ila kampanya kontra illegal gambling.

Base sa record sang PRO 6 halin Enero 1 tubtub Agosto 19, naglab-ot na sa 2,110 ang nadakpan angut sa bookies kag iban pa nga illegal gambling.

Halos may madakpan kada adlaw sa rehiyon angut sa illegal gambling suno kay Malong.

Magluwas sa paglapas sa Republic Act 9287 (An Act to Increase Penalties Against Illegal Numbers Games), mahimo man pasakaan sang paglapas sa PD 1602 (Prescribing Stiffer Penalties on Illegal Gambling) kag PD 449 (Cockfighting Law) ang mga natundan depende sa illegal activity nga ila naangtan.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Swine products nga ginapasulod sa Iloilo City, iga-checkpoint kasunod sang pamahug sang African Swine Fever
Next post Tatlo ka tripulante sang fishing boat, pilason sang ginbuno sang ila kaupod nga ginapatihan gin-abot sang nerbyos