May 21, 2022

Tatlo ka tripulante sang fishing boat, pilason sang ginbuno sang ila kaupod nga ginapatihan gin-abot sang nerbyos

Read Time:51 Second

By: Aine Grace Bravo | August 27, 2019

via Aksyon Francisco Enar

Masbate — Pilason ang tatlo ka tripulante sang fishing boat sang ginbuno sang kaupod man nila nga tripulante samtang nagalayag sa baybayon sang Jintotolo Island, Brgy. Balud Masbate kahapon, Agosto 26.

Sa initial nga imbestigasyon ni Police Captain Francis Fortunado sang Carles Police Station, tatlo ka adlaw nga wala makakaon ang suspek nga si alyas Nonoy Dela Cruz, 27, sang Brgy. Concepcion, Talisay City, Negros Occidental bangud sang iya problema sa pamilya.

Si Nonoy ang nagabulig-bulig kanday Ronilo Gallardo, 38, sang Bulaqueña, Estancia (boat captain); George Francisco 45, sang Jintotolo Island (2nd boat captain) kag Gilbert Bacolod, 42, sang Pantalan, Carles.

Suno kay Fortunado, nagapati ang mga biktima nga naglain ang paminsaron sang suspek kag gulpi lang sila ginpanghandus sang kutsilyo.

Nagpalagyo ang suspek paagi sa paglumpat sa dagat kag wala mahibaluan kon nakatakas siya.

Confined sa Jesus Colmenares District Hospital sa Balasan sanday Gallardo kag Bacolod samtang confined sa ospital sa syudad sang Iloilo si Francisco.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Pagduging sang bookies, ginapanan-aw sa pagbalik operate sang STL – PRO 6
Next post Mayor Jerry Treñas, ginsuspender ang klase sa tanan nga level sa pribado kag pampubliko nga eskuwelahan subong nga hapon