Supply sang baboy sa Iloilo City, kulang – LEEO

By: Aine Grace Bravo | August 28, 2019

via Aksyon Jeremae Ventar

Iloilo City — Siyam ka tonelada sang baboy ang nagasulod sa Panay kada adlaw.

Suno kay Local Economic Enterprise Office (LEEO) head Ariel Castañeda, sa syudad, naga-produce lang sang isa ka tonelada sang baboy ang Iloilo City Slaughterhouse.

Bangud sa populasyon sang syudad kag sang demand, kinahanglan sang iban nga sources rason nga nagapasulod sang baboy ang syudad halin sa iban nga probinsya.

Ginpahayag ni Castañeda nga nagsulat siya kay Mayor Jerry Treñas nga nagahingyo nga mag-create sang composite team agud magbulig sa LEEO sa pag-inspeksyon sang mga nagasulod nga baboy.

Nauna na nga nagpasar ang Iloilo City Council sang resolution nga nagahinyo sa City Agriculture’s Office, City Veterinarian’s Office kag DILG nga maghimo sang checkpoints sa mga nagasulod sa syudad nga swine products agud malikawan ang African Swine Fever.