37 ka kaso sang leptospirosis, na-record sang Iloilo Provincial Health Office

By: Aine Grace Bravo | August 29, 2019

via Aksyon Mario Gelongo

Iloilo —  37 ka kaso sang leptospirosis ang na-record sa Iloilo province halin Enero 1 tubtob Agosto 17, 2019.

Suno kay Provincial Health Officer Dr. Patricia Grace Trabado, sa nasambit nga numero, isa ang napatay.

Mas manubo man suno kay Trabado ang latest record sa 99 ka kaso nga may siyam ka napatay sa kapareho nga period sang 2018.

Ginpanugyanan ni Trabado ang mga pumuluyo nga maghalong, ilabe na ang mga nagalusong sa tubig bangud diri makuha ang virus nga nagadala sang leptospirosis.