Jail guard nga assign sa Nanga, Pototan, ginreklamo nga naggabot kag nagkasa sang pusil sang ginsukot sang iya balayran sa resto bar
By: JoMaque | August 29, 2019, 8:29am
Iloilo City — Arestado ang jail guard nga assigned sa Brgy. Nanga, Pototan matapos naggabot kag nagkasa sang pusil sa Saxxy’s Bar and Grill sa Smallville Complex, Brgy. San Rafael, Mandurriao las 2:50 kaina sang kaagahon.
Ginreklamo sang manager kag bouncer sang Resto Bar si Jail Officer 2 Iris Lizada, 38, matapos naggabot sang pusil sang ginsukot sang iya balayran nga P2,025 pesos.
Gin-aresto man ang tatlo pa ka kaupod ni Lizada nga sanday Agustin Pedrosa, Joel Labordo kag Julius Lizada, lunsay mga residente sang Brgy. Burirao, Lambunao.
Na-recover ang pusil ni JO2 Lizada.
Preso sa Mandurriao Police Station ang mga arestado.
Ginatinguhaan sang Aksyon Radyo Iloilo nga ma-interview ang mga naaresto.