Local Civil Registrar Juncae Manikan, gin-isyuhan sang subpoena sang nbi kasunod sang reklamo sa”fake” nga kasal

By: JoMaque | August 29, 2019, 9:15am

ILOILO CITY — Gin-isyuhan sang subpoena sang National Bureau of Investigation si Local Civil Registar Juncae Manikan kasunod sang reklamo sa “fake” nga kasal.

Nabaton ni Manikan ang subpoena kaina sang aga. Sa subpoena, ginapa-appear si Manikan sa NBI subong nga hapon.

Suno kay Manikan, handa siya nga magkooperar bangud wala siya sang malain nga ginhimo.

Ginakabig ni Manikan nga tsismis ang reklamo sang isa ka detainee sa Iloilo City Jail bangud wala sang pirma.

Dapat suno sa iya nga pirmado kag ginsumpaan sang tagreklamo ang alegasyon batok sa iya.

Base sa reklamo, wala nag-exercise sang due diligence si Manikan agud i-scrutinize ang naga-apply para sa kasal.