Pulis nga suspek sa duha ka separado nga shooting incident sa Negros Occidental, maoy suno sa iya iloy

By: Aine Grace Bravo | August 29, 2019

via Aksyon Francis Basco

Badiangan, Iloilo — Indi na maka-agwanta ang mga ginikanan kag utod ni Police Corporal Romnick Ace Pacificar, assign sa Provincial Drug Enforcement Unit sang Negros Occidental Police Provincial Office kag tumandok sang Barangay Cabayogan, Badiangan, sa iya ginapanghimo.

Ini ang pahayag sang iloy sang pulis matapos na-involved siya sa pagpangtiro sa Hinigaran kag Pontevedra, Negros Occidental sang Martes, Agosto 27.

Tatlo ang napilasan sa duha ka separado nga shooting incident nga suspek si Police Corporal Pacificar.

Natabu ang insidente sang ginsita ni Pacificar si Marlex Baya sa Barangay Gargato, Hinigaran bangud nakita nga may nagabukol sa hawak sang ulihi pero natukiban nga flashlight ang iya ginataklus.

May natabu nga komosyon sang nagpatunga ang bata ni Baya nga si Jiene Mar, tubtob nga gintiro ini sang pulis kag naigo sa liog.

Nagpalagyo si Corporal Pacificar pero natumba ang iya motorsiklo sa Barangay M. H. Del Pilar, Pontevedra. Tuyo kuntani siya buligan nanday Aldwin Provido kag Billy Mindanao pero gintiro man sila sang pulis.

Ginpahayag sang iloy sang pulis nga si Mrs. Marilou Pacificar nga maoy si Corporal Pacificar kag problema sang iya pamilya kon nakainom.

Suno pa sa iloy, indi na matolerar sang iya isa pa ka bata nga pulis nga si Police Major Rogelio Pacificar ang ginahimo sang iya manghud.

May manghud pa gid nga pulis si Pacificar nga assign sa Cordillera Autonomous Region Police Office.

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %