Lalaki, nalukpan sang granada sa Banate, nagapangatubang pa sang kaso nga attempted robbery; pakaisa sang nalukpan, dalahig sa kaso
Read Time:1 Minute, 18 Second
By: Aine Grace Bravo | August 30, 2019
via Aksyon Francisco Enar
Banate, Iloilo — Magapangatubang sang kaso nga attempted robbery ang magpakaisa nga natabuan sang naglupok ang granada sa Barangay Merced, Banate mga alas-3:30 kaina sang kaagahon.
Napilasan sa tuo nga kamot kag tuo nga tiil si Richard Canaway, 44 anyos sang Barangay Daan Banua, Estancia. Wala naman nasamaran ang iya pakaisa nga si Antonio Canaway, 31 anyos sang Barangay San Carlos, Anilao.
Suno kay PCPT Genesis Roque, hepe sang Banate Police Station, arestado ang status sang magpakaisa matapos gintudlo nga nagtuyo sa pagkawat sang duha ka 11 plates nga battery sang elf truck nga naga-park sa higad sang karsada.
Na-recover man sa lugar ang motorsiklo nga ginsakyan sang magpakaisa kag nakapangalan ang OR/CR kay Christian Paul Arzaga sang Barangay Lanag, Sta. Barbara.
Sa pagpangusisa sang Aksyon Radyo Special Assignment’s Team, gin-ako ni Arzaga nga gin-embargo ang motorsiklo bangud wala niya nabayaran.
Natukiban man nga ginbakal ni Richard Canaway ang repossessed nga motorsiklo sang Abril 15 subong nga tuig.
Ginkumpirmar ni alyas Victor, residente sa Barangay Merced, nga madata ang kinawatay sang battery sang mga salakyan sa Banate-Barotac Viejo area sa nakaligad nga binulan.
“GRANADA ANG NAGLUPOK”
Granada ang naglupok sa Barangay Merced kaina sang kaagahon.
Suno kay PLCOL Ulysses Ortiz sang Scene of the Crime Operatives, sa 33 ka ebidensya nga ila na-recover, 27 gid ang parte sang granada lakip ang safety lever kag safety pin.
Ginpabutyag man sang nagresponder nga taga-Explosive and Ordnance Division nga granada ang naglupok.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Ilonggo Olympian Irish Magno, nakakuha sang silver medal sa Women’s Boxing 51Kg sa 31st SEA Games
Tumandok sang Janiuay si Irish Magno. *via Philippine Sports Commission
Pulis nga na-assign sa RPHAU, dakop sa drug buy bust operation sa Molo
Iloilo City — Dakop sa drug buy bust operation ang 40-anyos nga pulis sa Aries St. VML Subdivision North Fundidor...
Traffic Discipline Zone, liwat nga ilunsar sang PSTMO sa Iloilo City
ILOILO CITY – Liwat nga igalunsar sang Public Safety and Transportation Management Office (PSTMO) ang Traffic Discipline Zone (TDZ) sa...
Pag-postpone sang barangay election subong nga tuig, ginakonsiderar sang Kamara
Ginakonsiderar sang House of Representatives ang pag-postpone sang Barangay Election subong nga December 2022, suno kay House Majority Leader kag...
23-anyos nga engineer nga ginapatihan nakuryente sang charger sa iya hiligdaan, nasapwan patay sa Zarraga
ILOILO -- Patay na sang nasapwan ang 23-anyos nga engineer, las-7:13 kahapon sang aga, Mayo 18 sa Zarraga. Ginkilala ang...
Ilonggo athlete nga taga-Arevalo, nagdaug sang gold medal sa 31st SEA Games
Nagdaug sang gold medal sa 31st SEAGAMES sa Hanoi, Vietnam ang 26-anyos nga Ilonggo athlete nga taga-Arevalo. Si Arnel Mandal...