Punong barangay sang Zone 10 Poblacion, Cabatuan, nakuryente, patay

By: JoMaque| August 31, 2019, 9:36am

Cabatuan Iloilo – Nakuryente ang punong barangay sang Zone 10 Poblacion, Cabatuan samtang nagatakud sang dekorasyon sa booth angut sa ila Agro-Industrial Fair mga alas-kuwatro kahapon, Agosto 30.

Gindala pa sa Ramon Tabiana Memorial District Hospital si Punong Barangay Marcelo Malificiar pero gindeklarar sang doktor nga napatay alas-4:35 sang hapon.

Suno kay PLT Joebert Amado, hepe sang Cabatuan MPS, nag-ground ang extension kag naglatay sa hagdan nga aluminum nga ginsakaan ni Punong Barangay Malificiar nga nagtakud sang pangalan sa ila booth.