Security guard sa Jaro, nanginwala nga nagpalupok sang iya issued firearm
By: Aine Grace Bravo | September 2, 2019
via Aksyon Angel Mae Ciudad
Iloilo City — Gin-aresto ang security guard matapos ginreklamo nga nagpalupok sang pusil samtang naga-duty sa warehouse sa Brgy. Balabago, Jaro kagab-i, Setyembre 1.
Ginkilala ang security guard kay Alen Flaviana sang Brgy. Kabangin, Altavas, Aklan.
Suno kay Police Senior Master Sergeant Arniel Villarante, imbestigador sang Jaro Police Station, ginreklamo si Flaviana sang iya kaupod nga guwardiya nga si Rhodney Davales.
Ginpahayag ni Villarante nga may indi pag-intiendihanay sanday Davales kag Flaviana.
Nanginwala naman si Flaviana nga nakapalupok siya sang pusil.
Na-recover sa lugar ang 12-gauge shotgun.