(UPDATE) Self-confessed bagman sang Berya Drug Group (Ricky Serenio) nga gintiro patay sa Bacolod City, nabaton na ang matabu sa iya suno sa iya iloy
Read Time:1 Minute, 29 Second
By: Aine Grace Bravo | September 2, 2019
via Hotline
Bacolod City — Nabaton na ni Ricky Serenio, self-confessed bagman sang Berya Drug Group, ang anuman nga matabu sa iya.
Ini ang ginpahayag sang iloy ni Serenio nga si Gina.
Gintiro-patay si Serenio sa guwa sang Gardenville Subdivision sa Pahanocoy, Bacolod City las 3:30 sang hapon sang Sabado, Agosto 31.
Nangin kontrobersiyal si Serenio bangud sa iya gin-execute nga affidavit sang Oktubre 2017 nga nagahingalan sa dalagku nga personalidad nga involved sa illegal nga druga lakip dire sanday former Iloilo City Mayor Jed Patrick Mabilog, Senator Franklin Drilon kag anay Senator Mar Roxas.
Sa affidavit ni Serenio, ginbuyagyag niya nga nakapakigkita siya kay anay PDEA-identified drug group leader Melvin Odicta sang 2015 “where he (Odicta) informed me that Roxas and Drilon wanted to penetrate the illegal drug market in the entire Negros Island, knowing for a fact that the then Negros Island Region was No. 3 in the entire country as the ‘most drug affected’ region.”
Gin-custody sang mga pulis ang “persons of interest” sa pagpatay kay Serenio nga sanday Joemar Dumip-ig kag Allan Bustamante.
Suno sa iloy, subang sa lima ka mag-utod si Ricky. May lima man siya ka kabataan.
May balay si Ricky sa Pulupandan pero nagabisita siya kun kaisa sa iya iloy sa Singcang.
Si Ricky kag iya asawa ang naga-obra sa munisipyo sang Pulupandan.
Nagapa-utang man siya sa amo nga banwa.
Suno sa iloy, nakamuno si Ricky sa iya nga handa na siya kag nabaton na niya ang anuman nga matabu sa iya.
Nagtugon man si Ricky nga indi pagpabay-an ang iya kabataan.
Nagapati si Mrs. Serenio nga may nabaton nga pamahog ang iya bata matapos ang ginpangbuyagyag niya sa iya affidavit sadto.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Traffic Discipline Zone, liwat nga ilunsar sang PSTMO sa Iloilo City
ILOILO CITY – Liwat nga igalunsar sang Public Safety and Transportation Management Office (PSTMO) ang Traffic Discipline Zone (TDZ) sa...
Pag-postpone sang barangay election subong nga tuig, ginakonsiderar sang Kamara
Ginakonsiderar sang House of Representatives ang pag-postpone sang Barangay Election subong nga December 2022, suno kay House Majority Leader kag...
23-anyos nga engineer nga ginapatihan nakuryente sang charger sa iya hiligdaan, nasapwan patay sa Zarraga
ILOILO -- Patay na sang nasapwan ang 23-anyos nga engineer, las-7:13 kahapon sang aga, Mayo 18 sa Zarraga. Ginkilala ang...
Ilonggo athlete nga taga-Arevalo, nagdaug sang gold medal sa 31st SEA Games
Nagdaug sang gold medal sa 31st SEAGAMES sa Hanoi, Vietnam ang 26-anyos nga Ilonggo athlete nga taga-Arevalo. Si Arnel Mandal...
7-11 convenience store sa MV Hechanova, Jaro, ginhold-up sang nagpakunu-kuno nga mabakal sang itlog
ILOILO CITY – Gin-hold up sang lalaki nga nagpukunu-kuno nga mabakal sang itlog ang 7-Eleven sa MV Hechanova, Jaro mga...
LTO, mag-distribute ang breath analyzer sa mga pulis sa Iloilo City
Managtag ang Land Transportation 6 sang mga breath analyzer sa mga police sa Iloilo City nga deputized sang ahensiya para...