Mga Guimarasnon, magahiwat sang Candle Lighting Activity karon sa gab-i, 1 bulan matapos ang Iloilo strait Tragedy
By: JoMaque | September 3, 2019, 10:35am
Iloilo City–Magahiwat sang candle lighting activity las sais karon sa gab-i ang mga Guimarasnon, isa ka bulan matapos ang nagluntad nga Iloilo Strait Tragedy nga nagbilin sang 31 ka patay.
Hiwaton ini sa MacArthur’s Wharf sa Buenavista, Guimaras, Parola Wharf sa siyudad sang Iloilo kag Jordan Wharf.
Suno kay Architect Gil Japitana sang Hugpong Guimarasnon nga amo ang nag-organisar sang aktibidad, hingyuon man nila sa Maritime Industry Authority (MARINA) kag Department of Transportation (DOTr) nga i-resume ang normal nga biyahe sang mga pumpboats samtang wala pa napatuman ang modernization sang mga sakayan kag mangin alerto pa dugang ang taga-Philippine Coastguard.
Agosto 3 sang nagkulob ang MB Chi-chi, MB Keziah kag MB Jenny Vince sa Iloilo Strait.