Paggamit sang plastic sa Iloilo Provincial Capitol, amat-amat nga igadumili – PENRO

By: JoMaque | September 3, 2019, 9:27am

Iloilo – Amat-amat na nga igadumili ang paggamit sang plastic sa Iloilo Provincial Capitol.

Ini ang ginpahayag ni Provincial Environment and Natural Resources Office Head, Atty. Arturo Cangrejo.

Suno kay Cangrejo, magalunsar ang Iloilo Provincial Government sang programa nga “Barangay Kapitolyo” nga may tinutuyo nga ma-reduce ang basura kag ma-maintain ang katinlo sa kapitolyo.

Sa flag ceremony kahapon sang aga, gin-discuss ni Cangrejo ang mga pagsulundan sa igalunsar nga Barangay Kapitolyo Solid Waste Management Program.