Mangunguma sa Calinog, patay sang ginbuno sang kasubong nga mangunguma

By: Aine Grace Bravo | September 4, 2019

via Francisco Enar

Calinog, Iloilo — Patay ang 38 anyos nga mangunguma nga ginlabo sang kasubong nga mangunguma sa Brgy. Gama Grande, Calinog kahapon, Setyembre 4.

Ginkilala ang biktima kay Joseph Catolico sang nasambit nga barangay nga dead on arrival sa ospital bangud sang pilas sa magtimbang nga guya, magtimbang nga ilok kag kamot.

Suno kay PMAJ Jose Nemias Pamplona, hepe sang Calinog MPS, ginhagad sang biktima ang suspek nga si Denmark Dela Cruz, 34 nga mag-inum inom upod ang duha pa gid nila ka abyan.

Ginhangkat suno sa iya ni Catolico ang isa nila ka kaupod nga magtapungulay, pero nagsaligbat si Dela Cruz nga islan na lang ang topiko gani naakig ang biktima kag gintapungol ang suspetsado.

Nagpauli naman ang suspek, nagkuha sang binangon kag ginbalikan ang biktima kag ginlabu.