Tigulang nga lalaki, patay sang na-trap sa nasunog nga balay sa Guimbal

By: JoMaque | September 4, 2019, 1:14pm

Iloilo — Patay ang tigulang nga lalaki sang na-trap sa nasunog nga balay sa Granada St., Brgy. Bagumbayan, Guimbal mga las dos kaina sang kaagahon.

Ginkilala ang biktima kay Nicanor Subiron alyas Noning, 72-anyos nga nagatulog sa servant’s quarter sa likod nga parte sang balay nga ginapanag-iyahan ni Salvador Gomez.

Suno kay Senior Fire Officer 4 (SFO4) Russel Gotera sang Bureau of Fire Protection sa Guimbal, kandila ang ginhalinan sang sunog.

Ginpahayag ni Gotera nga masami ginasaway si Subiron nga indi magsindi sang kandila.

Posible suno sa iya nga na-suffocate ang biktima bangud wala siya gilayon nakaguwa sang nagdaku ang kalayo.