ArchivesLokal

Mag-live-in partner, dakup sa drug buy bust operation sa Pototan

By: Aine Grace Bravo | September 5, 2019

via Aksyon Reports Afternoon Edition

Pototan, Iloilo — Arestado ang mag-live in partner sa drug buy bust operation sa Cato-ogan, Pototan las-4 subong nga hapon.

Ginkilala ang subject kay Brian Rey Balleza, 25-anyos sang Cau-ayan, Pototan, kag iya live in nga si Mary Grace Baguing, 24-anyos sang Cato-ogan.

Suno kay Police Staff Sergeant Raffy Gonzales sang Pototan MPS, madugay na nila nga gina-monitor si Balleza, pero subong lang nila nadakpan.

Nakuhaan ang 16 tanan ka sachets sang suspected shabu, isa ka daku nga plastic kag P1,000 nga buy bust money ang subject.

Nagalabot sa P100,000 ang estimated market value nga nakuha kanday Balleza kag Baguing.

Preso na ang duha sa Pototan MPS.

Ginatinguhaan pa sang Aksyon Radyo nga makuha ang bahin sang mag-live in partner.