May 23, 2022

Mandu ni Presidente Rodrigo Duterte nga arestuhon liwat ang mga convicts nga ginhilway bangud sa GCTA, kululbaan suno sa Ilonggo nga abogado

Read Time:1 Minute, 46 Second

By: Aine Grace Bravo | September 5, 2019

via Hotline

Iloilo City — “Daw ka kululbaan sang mga pronouncements [ni Pres. Rodrigo Duterte].”

Ini ang pahayag sang Ilonggo nga abogado nga si Atty. Hans Sayno kasunod sang mandu ni Duterte nga arestuhon liwat ang 1,700 ka mga convicts nga ginhilway paagi sa good conduct time allowance (GCTA).

Ginpahayag ni Sayno nga na-confuse siya kag may kakugmat sa iya ilabe na sa pahayag ni Duterte nga “anything can go wrong” sa mga indi mag-surrender.

Kun may kwestyon suno kay Sayno sa legalidad sa pag-isip sa sentensiya, dapat kuntani nga gindangop ini sa husgado para mabal-an kun insakto ukon indi.

Ang problema suno sa iya bangud wala pa nahusgaran kun sala ukon insakto ang computation sang sentensiya, naghimo na sang announcement ang presidente nga arestuhon ang mga ginpangbuy-an nga convicts.

Kwestyonable suno sa iya ang mangin basehan sang pag-aresto bangud wala sang warrant of arrest.

Indi man suno sa iya puwede ang warrantless arrest bangud wala naga-exister ang mga rason para dire. Indi man sila escapees.

Daw kasubong na suno sa abogado nga gin-angkon sang pangulo ang poder sang husgado sa iya mandu.

Sa sini nga sitwasyon, mangin makaluluoy suno kay Sayno ang mga law enforcers bangud wala sila sang basehan sa pag-aresto liwat sa mga convicts kag indi man nila mabalewala ang mandu sang presidente: “They will be torn between the devil and the deep blue sea.”

Ang legal nga option suno kay Sayno amo ang pag-file sang petisyon nga maga-kwestyon sa mandu ni Duterte kun nabutang na sa papel.

Mahimo mag-apply sang temporary restraining order para mapunggan ang mandu pending sang determinasyon kun insakto bala ang mandu ni Duterte ukon indi.

Mas maayo suno pa kay Sayno kun hulaton nga makabalay sang written order ukon memo para sa mandu agud makita kun ano gid ang katuyuan.

Nangin kontrobersiyal ang GCTA matapos nabuyagyag ang plano nga paghilway kay convicted rapist kag murderer anay Calauan, Laguna Mayor Antonio Sanchez.

Napunggan ini sang nag-angal ang publiko. Nagapadayon ang hearing sang Senado sa GCTA system.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post 1,700 ka heinous crime convicts nga naka-avail sang expanded GCTA , ginapa-surrender ni PDuterte
Next post (UPDATE) 9 establishments nga naglapas sang EO 46, dapat magsumiter sang affidavit of undertaking agud makabalik operate pagkatapos sang 5-day closure