PSTMO head, kumpiyansa nga matapos ang clearing operations sa mga mayor nga karsada sa Iloilo City sa sulod sang 60 ka adlaw

By: Aine Grace Bravo | September 5, 2019

via BBB

Iloilo City — 70 porsyento na nga nahawanan sang clearing team ang mga mayor nga karsada sa Iloilo City.

Suno kay Public Safety and Transportation Management Office (PSTMO) Head Jeck Conlu, nakatutok na sila subong sa Jaro area, pero may ginbalikan man sa Mandurriao.

Kumpiyansa si Conlu nga matapos ang clearing operations sa sulod sang 60 ka adlaw nga deadline ni DILG Secretary Eduardo Año.

Gin-athag naman ni Conlu nga sustineron nila ang mga operasyon bisan matapos ang 60 ka adlaw agud masiguro nga indi magbalik ang mga road obstructions.