(UPDATE) 9 establishments nga naglapas sang EO 46, dapat magsumiter sang affidavit of undertaking agud makabalik operate pagkatapos sang 5-day closure

By: Aine Grace Bravo | September 5, 2019

via Aksyon Jeremae Ventar

Iloilo City — Dapat makapasa sang affidavit of undertaking ang mga establisemento nga ginpasiraduhan sang syudad sang lima ka adlaw bangud sa paglapas sang Executive Order 46.

Ini ang pahayag ni Task Force on Moral and Values Formation head Nestor Canong agud makabalik sa pag-operate ang mga establisemento.

Kinahanglan suno kay Canong nga makapasa sila sang affidavit of undertaking sa Biernes, Setyembre 6.

Nabutang sa affidavit of undertaking ang promisa sang mga establisemento ma-comply sila sa general bar guidelines sang EO.

Suno kay Canong, ang mga naglapas sa CCTV ordinance ang i-check sang team kun nag-comply gid man kun makapasa na sang affidavit of undertaking.

Ang naglapas naman sa “No Smoking Ordinance” ang dapat makapangayo sang clearance sa Iloilo City Anti-Smoking Task Force (I-CAST) antes mahatagan sang clearance sang Business Permits and Licensing Office (BPLO) nga mahimo na liwat maka-operate.

Samtang ang nagserbe sang makahulubog nga ilimnon sa mga menor ang dapat mangayo sang clearance sa Public Safety and Transportation Management Office (PSTMO) antes ang clearance sa BPLO.

Ang indi makapasa sang undertaking, indi makapadayon sa pag-operate bisan nga na-comply na nila ang EO.