Mga accomplishments sang PRO 6, gindayaw ni PNP Chief Oscar Albayalde
By: Aine Grace Bravo | September 6, 2019
via Aksyon Aljohn Torreta
Iloilo City — Gindayaw ni PNP Chief General Oscar Albayalde ang mga accomplishments sang Police Regional Office 6 sa iya pagbisita sa PRO 6 headquarters para sa 118th Police Service Anniversary celebration.
Ginmitlang ni Albayalde ang paghatag sang award sa PRO 6 bilang isa sa mga Special Units sa Police Service Anniversary celebration sa Camp Crame sang Agosto 9 nga gintambungan ni Presidente Rodrigo Duterte.
Ginpasalamatan ni Albayalde ang mga pulis sa rehiyon nga daku ang nabulig agud malab-ut ang target sang PNP nga mapanubo ang crime incidents.
Ginhangkat ni Albayalde ang mga pulis nga padayunon ang kampanya kontra illegal drugs kag kriminalidad.
Magapadayon man suno sa PNP chief ang internal cleansing sa ila hanay.