Taga-Antique nga naka-avail sang early release bangud sa GCTA, nag-surrender –Culasi MPS COP

By: JoMaque | September 7, 2019, 8:15am

Antique – Ginkumpirmar ni PLT Clark Philip Dinco, hepe sang Culasi, Antique MPS, nga nag-surrender si alyas Dale, 57 anyos, kahapon sang aga.

Suno kay Dale, 28 ka tuig na siya nga na-preso sa Penal Farm sa Palawan sa kaso nga murder. Agosto 6 subong nga tuig sang nakaguwa siya.

Ginkupirmar ni Dale nga may upod siya nga taga-Iloilo kag duha ka taga-Negros Occidental nga nakaguwa.

Nagdesisyon si Dale nga mag-surrender matapos nabatian ang mandu ni Presidente Rodigo Duterte. Nagpasalig siya Dale nga makooperar sa mga pulis.

Nag-coordinate naman si PLT Dinco sa Bureau of Corrections, apang wala pa man sila sang guidelines sa mga GCTA-freed convicts gani hilway man nga makapauli si Dale suno sa hepe.