ArchivesLokalUncategorized

Barangay kagawad, patay sang nakabunggo ang ginamaneho nga motorsiklo sa Pototan

By: JoMaque | September 9, 2019, 9:04am

Pototan, Iloilo — Patay ang barangay kagawad nga driver sang Suzuki nga motorsiklo sang nakabunggo sa isa pa ka motorsiklo sa Barangay Igang, las 8:45 kahapon sang aga, Setyembre 8.

Ginkilala ang napatay kay Jonathan Pineda, 58-anyos kag barangay kagawad sang Jamabalud, Pototan, nga may patal nga pilas sa ulo.

Suno kay Police Staff Sergeant Raffy Gonzales, imbestigador sang Pototan Police Station, nagapapuli na si Pineda matapos nagbakal sang pinta.

Papuli naman si Dominic Arcenal, 20-anyos sang Cahaguichican, Pototan kag security guard sa establisemento sa Pototan sang nakabunggo sa motorsiklo nga ginamaneho ni Pineda sa Barangay Igang.

Gindala sa ospital si Arcenal bangud sa pilas niya sa baba kag iban pa nga parte sang iya lawas.

Nagapadayon ang imbestigasyon sang Pototan police sa insidente.

Leave a Reply