May 23, 2022

Kaso nga falsification of public documents nga gin-file sang PECO, gintawag nga harassment ni former Councilor Joshua Alim

Read Time:52 Second

By: Aine Grace Bravo | September 9, 2019

via Hotline

Iloilo City — Gintawag ni former City Councilor Joshua Alim nga harassment ang kaso nga falsification of public document nga gin-file sang Panay Electric Company (PECO) batuk sa iya upod kanday former Councilor Plaridel Nava, Presidential consultant Jane Javellana kag Dr. Marigold Gonzales.

Reaksyon ini ni Alim sa natalana nga preliminary investigation sang Department of Justice sa kaso sa Mierkules, Setyembre 11.

Nag-ugat ang kaso sa gintipon nga mga pirma nanday Alim halin sa mga pumuluyo nga nagapamatok sa franchise renewal sang PECO.

Suno kay Alim, gin-akusahan sila sang PECO nga nagmani-obra agud indi ma-grant ang ila franchise.

Ginpanindugan naman sang anay konsehal nga wala sila sang may ginpeke nga mga pirma bangud ginsumiter ang listahan sa ila nga opisina.

Gindala lang nila ang sentimiento sang mga pumuluyo sa Kamara.

Sa preliminary investigation, ginpahayag ni Alim nga ila isumiter ang ila sabat, mga supporting documents kag mga ebidensya agud ipakita nga madamu sang nag-execute sang complaint affidavits batuk sa PECO.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Maglive-in partner sa City Proper, dakup sa drug buy bust operation
Next post 33 active police sa Western Visayas, ginamonitor matapos na-angut sa illegal nga druga