Lalaki, patay sang nahulog ang iya ginamaneho nga tricycle sa talamnan sa New Lucena

By: JoMaque | September 9, 2019,

New Lucena, Iloilo— Patay ang 38-anyos nga lalaki sang nahulog ang iya ginamaneho nga tricycle sa talamnan sa Brgy. Dawis, New Lucena, Iloilo sang September 7 sang gab-i.

Ginkilala ang biktima kay Jerry Habagat sang Brgy. Bololacao, New Lucena, Iloilo.

Base sa imbestigasyon sang New Lucena Municipal Police, halin si Habagat sa Brgy. Bololacao kag pakadto sa Dumangas sang nahulog ang iya ginamaneho nga tricycle sa talamnan.

Gilayon nga gin dala sa New Lucena Polytechnic Hospital si Habagat apang gin deklarar nga dead on arrival.

Napilpilan si Habagat sang iya tricycle.