Mangunguma, gintiro-patay sang kasubong nga mangunguma sa Calinog

By: JoMaque | September 9, 2019, 9:13am

Calinog, Iloilo — Patay ang mangunguma sang gintiro sang kasubong nga mangunguma sa Caratagan, Calinog sang weekend.

Ginkilala ang biktima kay Romeo Ventura sang Hilwan, Calinog nga may pilas sa likod kag idalom sang iya dulunggan. Samtang suspek naman si Delmar Lavilla nga residente sang Caratagan.

Suno kay Police Major Jose Nemias Pamplona, hepe sang Calinog Police Station, nag-inom-inom pa ang duha kag may pagbinaisay nga natabu tubtob natiruhan ang biktima.

Sa pagpangusisa sang Calinog police, nagpaindis-indis sugid sang istorya ang duha kag posible nga ginkaakig sang suspek.

Nakatuad ang biktima suno kay Pamplona nga may ara siya sang anting-anting kag indi dali-dali mapatay.

Hinubog ang ginasundan nga motibo sa krimen.