SB secretary sang Sara nga natiruhan sa buy bust operation, napasakaan na sang sampaw-sampaw nga mga kaso

By: JoMaque | September 9, 2019,

Sara, Iloilo (UPDATE) — Ginpasakaan sang sampaw-sampaw nga mga kaso si Sara Sangguniang Bayan ukon SB Secretary James Balsomo I alyas “Jaguar” nga natiruhan sa buy bust operation sa Barangay Poblacion Ilaya II sang Setyembre 6.

Suno kay Police Senior Master Sergeant Arne Abian, Imbestigador sang Sara Police Station, ginpasaka ang illegal possession of firearms, attempted murder kag paglapas sa Comprehensive Dangerous Drugs Act batuk kay Balsomo.

Padayon naman nga ginabulong sa Intensive Care Unit si Balsomo bangud sang pilas sa tunga-tunga sang dughan, ibabaw sang wala nga porsyon sang dughan kag wala nga abaga.

Ginabantayan sang pulis si Balsomo nga nakuhaan sang 20 ka sachets sang suspected shabu kag 38 caliber revolver nga may lima ka bala kasunod sang drug operation.