ArchivesLokal

DILG central office, may 10 ka tinawo nga nagalibot sa Iloilo City agud i-monitor ang compliance sa road clearing operations

By: Aine Grace Bravo | September 10, 2019

via Hotline

Iloilo City — May nagalibot nga mga personnel halin sa Department of Interior and Local Government (DILG) Central Office sa syudad agud mag-monitor kag mag-report angut sa ginapatuman nga memo circular sang ahensya nga i-reclaim ang tanan nga public roads.

Ini ang ginkumpirmar ni Anti-Squatting and Illegal Structures Unit (ASIS-U) head Lovejoy Hosenilla matapos nahibaluan nga may naga-counter check sa ginahimo nga road clearing operations sa syudad.

May request pa suno sa iya ang mga taga-DILG sa mga lugar nga dapat i-clear sa obstructions.

Nalakip sa gintumod sang mga DILG personnel ang mga sidewalk vendors sa Fort San Pedro, Philippine Ports Authority kag malapit sa Central Philippine University (CPU).

Base sa assessment sang city government, 65 to 70% nga na-clear nila ang syudad sa illegal structures, pero base naman sa report sang mga personnel sang DILG Central Office, 60% lang ang accomplishment sang syudad suno kay Hosenilla.