Driver sang motorsiklo, ginbuno sang wala duha ka makilala nga suspek sa Concepcion, Iloilo

By: Aine Grace Bravo | September 10, 2019]

via Aljohn Torreta

Concepcion, Iloilo — Pilason ang 39-anyos nga driver sang motorsiklo matapos ginparahan kag ginbuno sang duha ka wala makilal-an nga mga suspetsado sa Sitio Tuburan, Barangay Poblacion pasado la-una kaina sang kaagahon.

Suno kay PMAJ Jonah Galicha, hepe sang Concepcion Police Station, papuli na ang biktima nga si Roberto Rosero, pumuluyo sang Barangay Nipa, sang ginparahan siya sang mga suspetsado.

Ginhambalan sang mga suspetsado ang biktima nga malain ang tulok niya sa ila tubtob nga nagsabtanay sila kag nabun-an si Rosero.

Gilayon nga gindala sa ospital ang biktima nga may pilas sa ibabaw nga bahin sang dughan.

Madasig naman nga nagpalagyo ang mga suspetsado nga naka-inom kasunod sang insidente.

Nagapati ang mga pulis nga nakursunadahan sang mga suspetsado ang biktima rason ginhimo ang krimen.

Gina-imbestigaran man kun may kontra ang biktima.

Mahinay ang dalagan sang motorsiklo antes nagluntad ang insidente.