Senior citizen, gintiro patay sang riding-in-tandem sa Sta. Barbara; away sa duta, ginasunod anggulo

By: Aine Grace Bravo | September 11, 2019

via Angel Mae Ciudad

Sta. Barbara, Iloilo — Patay ang 72-anyos nga mangunguma sang gintiro sang riding-in-tandem sa Barangay Cabugao Norte, Sta.Barbara kaina sang aga.

Ginkilala ang napatay kay Jilcito Bacanto, pumuluyo sang amo nga barangay.

May pito ka pilas sang pagkatiro ang biktima suno sa scene of the crime operatives (SOCO).  

Suno kay PSSg John Sabio, imbestigador sa Sta. Barbara Police Station, away sa duta ang rason sa pagtiro patay kay Bacanto.

Nagapati man ang asawa sang biktima nga si Rosalinda Bacanto, 65-anyos, nga away sa duta ang rason ang pagpatay sa iya bana.