IPPO Director Roland Vilela, nagpa-andam sa nagpakilala ‘major’ nga naggamit sang iya ngalan kag nagpangayo sang load sa contractor sa Pavia

By: JoMaque | September 12, 2019, 8:34am

Iloilo — Ginpaandaman ni Iloilo Police Provincial Office Director PCOL Roland Vilela ang nagpakilala si ‘Major Ramos’ nga nagpangayo sang P6,000 nga balor sang load sa contractor sa Pavia.

Suno kay Vilela, pasakaan niya sang kaso ang natungdan kun makilala.

Nakalab-ot ang impormasyon sa opisyal sang nagmuno sa iya si Pavia Mayor Luigi Gorriceta nga naka-communicate na sila paagi sa text messanging wala sapayan kahapon, Setyembre 10, lang na-istorya ni Vilela ang alkalde.

Suno kay Vilela, may nagtawag nga certain ‘Major Ramos’ sa staff sang alkalde kag nagpakilala nga personnel niya sang nagligad nga semana.

Nagpangayo naman si ‘Major Ramos’ sang contact number sang alkalde bangud ginpahayag mangayo sang sponsorship sa medical mission.

Sang naka-contact na si ‘Major Ramos’ kay Mayor Gorriceta, nagpangayo naman siya sang contact number sang contractor bangud mapa-obra si Vilela sang balay.

Ginkumpirmar sang alkalde nga nakahatag ang wala pa ginhingadlan nga contractor sang P6,000 nga balor sang load matapos ginpanguyuan sang nagpakilala personnel ni Colonel Vilala.

‘ I AM NOT THAT CHEAP’

Ginkadlawan lang ni Vilela ang amo nga impormasyon apang disidido siya nga mapasakaan sang kaso ang ginareklamo.

Nagmandu na si Vilela kay Major Niño Leonard Amar, hepe sang Pavia Police Station, nga imbestigaran ang insidente.

May impormasyon man si Vilela nga may kasubong man nga modus sa Oton apang ginaverify pa niya.

Nagapati si Vilela nga posible may iban pa nga mga local officials sa probinsya nga nabiktima sang amo nga modus.