Legislative inquiry sang city council sa Iloilo Strait Tragedy, nangin mainit sa tunga sang mga survivors kag Philippine Coast Guard

By: JoMaque | September 12, 2019, 8:32am

Iloilo City — Nangin mainit ang pag-atubangay sang taga- Philippine Coast Guard (PCG) kag survivors kag pamilya sang mga napatay sa Iloilo Strait Tragedy sang Agosto 3.

Natabu ini sa legislative inquiry sang Iloilo City Council kaina sang aga.

Nagpa-utwas sang ila kalain sang buot ang mga survivors kag pamilya sang mga napatay bangud sa kasaypanan sang Coast Guard ilabe na ang madugay nga pag-responder sa trahedya.

Ginabasol sang mga survivors ang PCG bangud kon madasig lang kuntani ang pagresponder, madamo pa ang naluwas.

Wala napunggan sang iban nga maghilibion samtang nagapa-utwas sang ila hibubun-ot.

Ginapanindugan naman ni Commodore Allan Victor Dela Vega, district commander sang Coast Guard-Western Visayas, nga madasig nga nag-responder ang taga-PCG sang nagkulob ang MB Chi-chi, MB Keziah kag MB Jenny Vince.

Atrasado lang suno sa iya ang pagpalab-ot sang impormasyon angut sa trahedya sa ila opisina.

Nagpangayu naman sang pasaylo ang PCG kon may kapabayaan gid man ang ila ahensiya.

Ginkumpirmar naman ni dela Vega nga wala pa makaguwa ang resulta sang imbestigasyon sang Department of Transportation kag PCG- Central Office angut sa natabu.

Matapos ang inquiry kag nabatian ang bahin sang mga survivors kag PCG, masapol ang konseho sang siyudad agud ma-istoryahan ang ipasar nga ordinansa agud indi masulit ang trahedya.

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %