May 24, 2022

BJMP Central Office, nagmandu sa mga regional offices nga i-detain ang mga ex-convicts nga nag-surrender sa pulis angut sa kontrobersiya sa BuCor

Read Time:3 Minute, 20 Second

By: JoMaque | September 14, 2019,

Iloilo City — Ginmanduan ni Bureau of Jail Management and Penology Chief Allan Iral ang mga regional directors sa pag-detain sang mga ex-convicts nga nag-surrender sa pulis angut sa kontrobersiya sa Bureau of Corrections.

Ginkumpirmar ni BJMP 6 Deputy for Administration Jail Supt. Gilbert Peremne nga nag-issue sang memo ang BJMP Central Office angut sini kasunod man sang mandu ni Presidente Rodrigo Duterte, verbal instruction ni Department of Justice Usec. Deo Marco kag sa Implementing Rules and Regulations sang R.A. No. 10592.

Sandig sa amo nga memo,mahimo mabaton sang BJMP ang mga ex-convict nga nag-surrender kag kinahanglan nila mag-report sa pulis para sa recording kag accounting.

Lakip diri ang pag-request sang pulis para sa gilayon nga pag-transfer sang mga ex-convicts sa BuCor para sa computation sang Good Conduct Time Allowance.

Gin-athag naman ni Peremne nga imbes pulis ang ma-transfer sa mga ex-convicts, ang ila opisina ang mapatigayon sini base man sa verbal instruction ni BJMP chief Iral.

Dugang niya, nahisugtan naman ini sang BJMP 6 kag Police Regional Office 6 apang ginadihon pa ang Memorandum of Agreement.

Kahapon (Setyembre 12), 14 ka mga ex-convicts, lakip ang lima ka senior citizens, ang ginturn-over sang Iloilo Police Provincial Office sa Iloilo Disitrict Jail- Male Dormitory sa Barangay Nanga, Pototan.

149 tanan ang mga ex-convicts sugod sang 2013 sa Western Visayas suno kay Lieutenant Colonel Joem base man sa data halin sa Bureau of Corrections.

‘MATAAS PA’

Ginapa-abot naman nga magataas pa ang numero sang mga ex-convict nga i-detain sa BJMP.

Suno kay Peremne, nahisugtan man sang BJMP 6 kag PRO 6 nga dal-on sang pulis sa Panay Island ang mga ex-convict nga nag-surrender sa ila sa IDJ-MD samtang sa Negros Occidental District Jail sa Bago City naman ang mga ma-surrender sa Negros Occidental.

Ginkumpirmar ni Malong nga i-obserbar man ini sa bug-os nga rehiyon apang ginahulat pa nila ang official communication sang BJMP 6 agud mangin basis sa ila order.

Kuhaon sang BJMP 6 sa ila pondo ang paggasto sa kinahanglanon sang mga natungdan samtang na-detain sa ila facility.

Kun indi naman makahatag sang instruksyon ang BuCor tubtob sa masunod nga semana, ang BJMP 6 na lang ang madala sa ila sa Sablayan Prison and Penal Farm sa Occidental Mindoro sa masunod nga semana

‘NA-DETAIN PARA SA ILA SAFEKEEPING’

Samtang na-detain sa BJMP, kinahanglan magsunod sang mga natungdan sa mga polisa sa sulod sang jail facility lakip ang pagdumili sa hilway nga paggamit sang cellphone, pagpanigarilyo kag pagkadto sa mga selda.

Temporaryo naman nga matenir sa Activity Area sa IDJ-MD ang mga nag-surrender.

Gin-athag naman ni Peremne nga mahimo makaguwa sa jail facility ang mga natungdan kun luyag nila, baliskad sa una niya nga pahayag matapos nagpirma ang mga ex-convicts sa Waiver of Right and Detention.

Una man nga ginpahayag nga Peremne nga indi detain sa baylo sa kustodiya lang nila ang mga ex-convicts.

Gin-akomodar sang BJMP 6 ang mga ex-convicts para sa ila safekeeping kasunod sang mandu sang presidente nga kinahanglan nila magpa-account sa BuCor.

‘SI ALYAS JOHN PAUL, WALA SA LISTAHAN’

Lakip sa 14 nga gindetain sa IDJ-MD si alyas John Paul sang Pavia nga sang Hunyo lang nakaguwa sa Iwahig Prison and Penal Farm sa Palawan bangud sang kaso nga robbery with homicide.

Nag-surrender si John Paul sa pulis matapos nabatian ang mandu sang presidente.

Sa pagpangusisa sang Aksyon Radyo Iloilo sa listahan sang naka-avail sang GCTA nga ginsumiter sang BuCor sa Senate Blue Ribbon committee, natukiban nga wala ang iya ngalan.

Una na ginpahayag ni IPPO Director Roland Vilela nga ang tanan nga ginturn-over nila sa IDJ-MD ang lunsay nalakip sa ila listahan halin man sa BuCor.

Ginkuhaan sang Aksyon Radyo Iloilo sang dugang nga pahayag si Vilela apang wala siya nagpa-record sang iya sabat.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 3 establishments, ginpasiraduhan sang composite team bangud sa paglapas sa EO 46
Next post Mga ex-convicts nga nag-surrender kag gin-custody sa Iloilo District Jail, mahimo makaguwa – BJMP 6