Pwesto sang mga sidewalk vendors sa Cacho property, i-raffle sang Special Services Unit

By: JoMaque | September 14, 2019, 9:38am

ILOILO CITY – Mahiwat sang raffle ang Special Service Unit (SSU) bwas, Setyembre 14, agud mahibaluan ang pwesto sang mga sidewalk vendors sa Cacho Property sa JM Basa.

Suno kay SSU head Zellah Gil, ang tanan nga mga manog baligya sang prutas, mani, balot kag pagkaon ang i-prioritize sa lugar.

Sa initial nga record sang SSU, nagalab ot na sa 916 ang mga sidewalk vendors sa syudad.

Ginpahayag ni Gil nga 250 slots lang ang ma -accommodate sang lugar apang plano nila nga doblehon ang vendors sa isa ka kiosko.

Ang iban naman nga mga vendors ang ibutang sa merkado kag sa International Hotel.

Photo: Floor plan para sa mga vendors sa lugar nga sayluhan.