Road clearing operations sa syudad nagalab-ot na sa 70%; ASIS-U kampante nga maka-comply sa 60 days nga deadline sang DILG

By: JoMaque | September 14, 2019, 9:35am

ILOILO CITY– Nagalab-ot na sa 70% ang accomplishment sang ASIS-U, PSTMO kag Barangay Affairs sa road clearing operations.

Suno kay ASIS-U head Love Joy Hosenilla, kalabanan na lang man nga nabilin amu ang mga sidewalk vendors.

Lakip sa mga lugar nga dapat hawanan pa bangud may mga sidewalk vendors amu ang Parola, Fort San Pedro, Iznart, Ledesma, JM Basa, Quezon kag Ledesma.

Subject man sa demolition ang mga barangay hall sang Bagumbayan, Arroyo, kag Maria Clara, kag outpost sang Flores kag Rizal Ibarra.

Ginpahayag ni Hosenilla nga nag-ayo ang mga vendors nga tubtob na lang sila sa Setyembre 16.

Dugang pa ni Hosenilla, makahingagaw sila sang 60 days nga deadline para mahawanan ang dalan.