2 arestado sa drug buy bust operation sa La Paz

By: JoMaque | September 15, 2019, 10:11am

Iloilo City — Presu ang security guard kag iya abyan sang nadakpan sa drug buy bust operation sa Luna La Paz kahapon, Setyembre 14.

 Subject sang operasyon si Ruztan Castañeda sang Cabanbanan, Oton nga nakuhaan sang 9 ka sachets sang suspected shabu, pusil, bala kag drug paraphernalia. Gindakup man ang iya abyan nga si Dexie Dañoso sang San Isidro, Jaro.

Suno kay Castañeda may gintabu siya nga lalaki sa lugar kag may gindahu nga coin purse nga para kuntani kay Dañoso.

Ginpanginwala niya nga may buy bust operation nga natabu.

 Nagtabu siya bisan delikado agud mahibaluan kon diin nagakuha sang suplay sang illegal nga druga ang lalaki.

Ginpanginwala naman ni Dañoso ang alegasyon ni Castañeda.

Suno sa iya, si Castañeda ang naga-supply sang illegal nga druga sa iya.

 Ginsugo lang siya suno sa iya ni Castañeda nga magpangita sang buyer.

May nakuha man nga apat ka sachets sang suspected shabu sa coin purse nga suno kay Castañeda naghalin sa lalaki nga ka-transaksyon ni Dañoso.