ArchivesLokalUncategorized

Construction worker, patay sang ginbuno sang iya kasubong nga construction worker sa Batad

By: JoMaque | September 15, 2019, 2:40pm

Batad, Iloilo—Patay ang construction worker sang ginlabu sang kasubong niya nga construction worker sa Brgy. Santa Ana las 3:30 kaina sang aga, Septyembre 15.

Ginkilala ang napatay kay Salvador Chavez, 49-anyos sang Barangay Batad Viejo, nga may patal nga pilas sa likod sang iya liog kag idalum sang ilok.

Suno kay Police Staff Sergeant Wary John Suerte, imbestigador sang Batad Police Station, antes ang insidente, naga inom-inom ang biktima upod ang iban pa nila nga katrabaho sa Gurrea Construction site.

Wala naman nakaupod sa pag-inom inom ang suspek nga si Nelson Catalan, 59-anyos sang Barangay Santa Ana.

Las 2:00 na sang kaagahon sang ginbayaan sang iya mga upod ang biktima kag nagsulod sa ila ginatulugan.

Pero nakabati sang gahod ang isa pa ka contruction worker nga si Jonel Ibaldone kag sang iya ginlantaw, nakita niya na lang nga ginalabu ni Catalan si Chavez.

Masami nga nagaba-isay ang duha bangud sa ila nga trabaho suno kay PSSG Suerte.

Wala na-recover ang binangon nga gingamit sa paglabu.

At large ang suspetsado.

Leave a Reply