Jeep, nahulog sa pil-as sa San Dionisio; 5, pilason

By: JoMaque | September 15, 2019, 10am

Iloilo — Nahulog sa pil-as ang jeep sang nagalibod foam sa Talo-ato, San Dionisio kahapon, Setyembre 14.

Suno kay Police Lieutenant Edgar Labiscase, hepe sang San Dionisio Police Station, 9 ang nakasakay sa jeep pero lima lang ang napilasan.

Base sa imbestigasyon sang San Dionisio police, nakaangkon sang problema sa brake ang jeep bangud sa mabudlay nga dalan tubtob nadulaan sang kontrol sa manibela ang driver kag nahulog sa pil-as.

Ginabanta 40 metros ang kataason sang pil-as nga ginhulogan sang jeep.

Minor lang ang pilas sang lima suno kay Labiscase pero napuruhan si Rubico Diego Jr., sang Dumangas nga padayon ginabulong sa ospital sa siyudad.