Sunog, nagluntad sa Kalibo Public Market
Read Time:1 Minute, 11 Second
By: JoMaque | September 15, 2019, 2:44pm
Aklan — 270 sa 346 ka mga stalls sa merkado publiko sang Kalibo ang naupos sa sunog pasado las dose kaina sang kaagahun, Setyembre 15, base sa inisyal nga report sang Bureau of Fire and Protection ukon BFP-Kalibo sa mga local officials.
Suno kay Kalibo Councilor Mark Quimpo, madasig nga naglapta ang kalayo sa dry section sang merkado bangud sang highly flammable materials sa lugar kasubong sang mga bayo, tsineles, foam kag iban pa.
Naglab-ot na sa P30-Million ang inisyal nga pagbanta sa balor sang kahalitan sa sunog apang ginapanan-aw nga magalab-ot pa ini sa P50-Million.
ANO ANG GINTUNAAN SANG SUNOG?
Wala pa sang opisyal nga pahayag ang BFP-Kalibo sa gintunaan sang kalayo apang ginapatihan may kaangtanan ang pagluto sa mga carinderia sa insidente.
Lakip ang mga carinderia sa mga nasunog nga mga establisemento.
Suno kay FO1 Ian Punot sang BFP-Kalibo, 11:37 subong nga aga lang gindeklarar ang fire out.
‘STATE OF CALAMITY’
Nagpasar na sang resolution ang Sangguniang Bayan sang Kalibo sa pagdeklarar sang state of calamity agud maggamit ang quick response fund sa paghatag sang assistance sa mga apektado.
Nagpasalig naman si Councilor Quimpo nga ipanghatag ini sang nagaka-angay sa mga apektado.
Nagpanawagan man si Quimpo sa provincial government, mga kongresista kag sa iban pa nga mahimo makabulig.
Wala sang may napilasan ukon napatay kasunod sang sunog.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
7 ka ruta, idugang sa Iloilo City sa tiun nga magsugod ang implementasyon sang LPTRP
ILOILO CITY – Dugangan ang ruta sang mga jeepneys sa Iloilo City agud indi mahul-an ang mga pasahero sa tiun...
Outgoing Pres. Rodrigo Duterte, luyag nga padayunon ni President-elect Bongbong Marcos ang away kontra sa illegal nga druga
Luyag ni outgoing President Rodrigo Duterte nga padayunon ni President-elect Ferdinand “Bongbong” Marcos Jr., ang away batok sa illegal drugs...
Pa-AKSYON | Taxi operator, nagreklamo nga indi maka-claim sang insurance agud mapakay-o ang iya unit bangud expired ang registration sang pick up sang PSTMO nga nakabunggo sa iya
ILOILO CITY -- Nagreklamo sa Aksyon Radyo Iloilo ang taxi operator nga indi siya maka-claim sang insurance agud mapakay-o ang...
Apat ka Ilonggo graduates sang PNPA, nag-courtesy visit kay Iloilo Gov. Arthur Defensor, Jr
Nag-courtesy visit kay Iloilo Governor Arthur Defensor Jr., ang tatlo ka Ilonggo graduates sang Philippine National Police Academy (PNPA) Alab-Kalis...
Trisikad driver nga ginakabig high value target, dakup sa drug buy bust operation sa Pavia
ILOILO -- Arestado ang 35-anyos nga trisikad driver sa drug buy bust operation sa Brgy. Tigum, Pavia, Iloilo las-2:15 kahapon,...
Masobra P200,000 nga balor sang suspected shabu, nakuha sa magpalakaisa sa buy bust operation sa La Paz
ILOILO CITY – Ginabanta sa P238,000 ang balor sang suspected shabu ang nakuha sa magpalakaisa nga nadakpan sa drug buy...
Average Rating