Tiyo, pilason sang gintiro sang iya hinablos sa Janiuay

By: JoMaque | September 15, 2019, 2:42pm

Janiuay,Iloilo—Gindala sa ospital ang 49-anyos nga lalaki nga gintiro sang iya hinablos sa Barangay Atimonan las 5:30 kahapon sang hapon, Setyembre 14.

Ginkilala ang biktima kay Charlie Latoza sang nasambit nga lugar nga may duha ka pilas sa iya tiyan.

Suno kay Police Captain Dadje Delima, hepe sang Janiuay Police Station, ginkumprontar sang biktima ang asawa sang suspetsado nga si Regie Jamili nga ginakaon sang ila baboy ang iya tanom nga humay.

Nagpuli ang asawa kag nagpanugid sa iya bana rason nga nagkadto ang suspetsado sa balay sang tiyo kag gintiro.

Wala narecover ang 12-gauge shot gun nga ginapatihan gingamit sang suspect sa pagtiro sa biktima.

At large ang suspetsado.