18-anyos nga dalaga, nagbitay-patay sa Calinog

By: JoMaque | September 16, 2019, 9:30am

Calinog, Iloilo — Nagbitay-patay ang 18-anyos nga dalaga sa Calinog kagab-i, September 15.

Ginkilala ang biktima kay alyas MJ.

Suno kay Police Staff Sergeant Jerson Pulmones sang Calinog Police Station, problema sa pamilya ang ginpatihan rason sang paghikog ni MJ.

Nagpanugid si MJ sa iya pakaisa suno kay Pulmones nga nagasunggod sa iya ginikanan bangud wala siya ginasuportahan sa iya pag-eskwela.

Makapila na siya ka beses nagtuyo maghikog pero napunggan.

Kagab-i, nasapwan siya sang iya tiyo nga nagabitay sa sala sang ila balay.