May 21, 2022

2 senior citizens nga parolado, lakip sa 17 ka ex-convicts sa Iloilo nga ibiyahe sa Sablayan Prison and Penal Farm sa Occidental Mindoro kasunod sang kontrobersiya sa GCTA

Read Time:1 Minute, 0 Second

By: Aine Grace Bravo | September 16, 2019

via Hotline

Pototan, Iloilo — Nabaton na sang pila ka ex-convicts sa panay nga nag-surrender sa pulis kag gin-custody sa Iloilo District Jail sa Nanga, Pototan ang pagbiyahe sa ila sa Sablayan Prison and Penal Farm sa Occidental Mindoro.

Suno kay Ludovico De Torre, 67 anyos sang Dumangas, wala man siya sang may mahimu bangud mandu ini ni Presidente Rodrigo Duterte.

Indi pa gihapon maathag kay De Torre kon anu ang ila mangin sitwasyon pag-abot nila sa penal facility. Napahibalo na ni De Torre ang iya pamilya sa ila natalana nga pagbiyahe pa-Mindoro subong nga gab-i.

Si De Torre nga nakaagi stroke ang parolado sa kaso nga murder apang nahulog sang ulihi sa homicide.

Suno naman kay Narciso Idio, 79 anyos sang Dueñas, parolado man siya sa kaso nga murder pero ginkadtuan siya sang pulis sa ila balay kag ginhambalan nga mag-surrender bangud nalakip ang iya pangalan sa listahan sang mga ex-convicts sa Panay.

Wala man sang ideya si Idio kun ngaa ibiyahe sila sa Sablayan Prison matapos nga  nag-surrender.

Si Idio ang may hapo kag wala na sang wala nga butkon bangud sa aksidente.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Lalaki, dakup sa drug buy bust operation sa Bakhaw, Mandurriao
Next post Dengue cases sa Western Visayas, padayon nga naganubo