254 slots sa Cacho property, ginpang-distribute na sa mga sidewalk vendors

By: JoMaque| September 16, 2019, 9:11am

Iloilo City—Ginpa-raffle sa mga sidewalk vendors ang 254 ka mga slots para makaplastar sa Cacho Property sa JM Basa subong nga adlaw.

Sa record sang mga vendors, 73 ang nagabaligya sang prutas, 23 ang sapateros , 56 ang nagabaligya sang mga chichirya, 7 ang nagabaligya sang sud-an, 10 ang nagabaligya sang mais kag 85 para sa mga nagabaligya sang RTWs.

Suno kay Sidewalk Association President Jimmy Dorado, ang kutob lang sa mga vendors nga ara sa lista ang ila ginpagabot.

Ginpahayag ni Dorado nga prayoridad nila ang mga vendors sa City Proper nga nagalab-ot sa 500.

Para ma-akomodar ang tanan, sa kada kiosko, may tatlo tubtob apat ka vendors ang ibutang.