16 anyos nga dalagita, nagreklamo nga gin-gang rape sang apat ka lalaki lakip ang duha ka menor-de-edad

By: Aine Grace Bravo | September 17, 2019

via Jeremy Brian Valle

Iloilo — Nagreklamo ang 16-anyos nga dalagita nga gin-gang rape siya sang apat ka lalaki lakip ang duha ka menor-de-edad sa isa ka banwa sa 4^th District sang probinsiya.

Suno kay Alyas Nene, nag-upod siya sa iya classmate nga babaye kag nag-inom-inom sila sa balay sang abyan sang ulihi.

Nagapahuway si Nene bangud naglingin ang iya ulo sang nabatyagan niya nga may naghakwat sa iya kag gindala siya sa kwarto.

Nag-una na lakat suno kay Nene ang iya classmate.

Ginpahayag sang dalagita nga ginhimuslan siya sang apat ka mga lalaki.

Nagpanugid si Nene sa pamilya sang iya nobyo gani ginbalikan nila ang balay sa diin natabu ang ginpahayag nga gang rape kag nadakpan ang isa sa mga menor-de-edad.

Ginturn-over sa DSWD ang menor-de-edad samtang nagapakig-angut ang police sa pamilya sang tatlo pa ka lalaki.

Ginpa-idalum sa medical examination ang dalagita samtang nagapadayon ang imbestigasyon sang mga pulis sa natabu.