Pagbalibad sang City Council sa request ni Mayor Treñas nga otoridad agud makasulod sa MOA upod sa Iloilo Festivals Foundation Incorporated, wala malisya — Councilor Peñaredondo
By: Aine Grace Bravo | September 18, 2019
via Hotline
Iloilo City — Wala sang malisya ang pagbalibad sang City Council sa hingyo ni Mayor Jerry Treñas nga authority agud mag-execute sang memorandum of agreement (MOA) upod sa Iloilo Festivals Foundation, Inc..
Gin-athag ni Councilor Ed Peñaredondo nga indi niya luyag mabutang sa alang-alang ang konseho kag city government.
Ginpahayag sang konsehal nga wala malab-ot sang IFFI ang standard kag requirements sa local government code nga gintalana sang Department of Interior and Local Government (DILG) may kaangtanan sa accreditation sang civic organization.
Suno kay Peñaredondo, indi pa accredited ang IFFI gani indi sila makasulod sa MOA agud mag-handle sang Dinagyang Festival 2020.
Wala man sang otoridad suno sa iya ang IFFI nga magpa-solicit kon wala sang accreditation.